كلنا نبحث عن سر جمال وصفاء بشرة اليابانيات وصحة أجسامهم وقوة شعرهم وكثافته وهالسر تكلمت عنه المذيعة أوبرا في برنامجها وطبعا أوبرا ماتمدح شي مو ثقة وماتكون متأكده منه فاستضافت خبيرة التجميل اليابانية المشهورة ميكي أوكاي تكلمت ومدحت منتج الميجي أمينو كولاجين وسره مع اليابانيات وجمالهم وشلون مايستغنون عنه وتقدرون تتأكدون من هالرابط بموقع أوبرا وتشوفون الفيديو الي عرضته ببرنامجها و فوايده..





وشدني هالمنتج وحبيت أبحث عنه أكثر وأكثر وأعرف السر بشهرته وحصولة على المركز الأول باليابان بمنتجات الجمال والمحافظة عالبشرة ودخوله بمسابقات جمال كثيرة وفوزه بالصدارة وإستعماله المستمر والدايم من الي جربوه..والسر فيه إنه عبارة عن كولاجين..وكلنا نعرف إنه الكولاجين هو بروتين يرمم خلايا الجسم ويكافح أعراض الشيخوخة وهو أساس كل خلية وهو أساس تكوين الأنسجة الضامة في العضلات والجلد والأربطة والغضاريف والعظام والإنسجة.. ومع تقدم العمر ومن بعد مانعدي ال21 يبدا الكولاجين يقل وينقص بخلايا الجسم..ونحتاج مكملات غذائية تعوضنا عن هالنقص ونحافظ على بشرتنا وصحتنا ويكون أساس الجمال والصحة من داخلنا ونوقف الركضة ورا الكريمات وكريمات الأساس والمكياجات الي بالنهاية أكيد ماراح تعطيني النتيجة المرجوة وغير إنها مؤقته....



وميزة الأمينو ميجي كولاجين وسر تجديده للخلايا بمكوناته :


كولاجين مستخرج من السمك ( يعني حلال) :

وزنه الجزيئي منخفض فيمتصه الجسم بسهولة وبسرعة..وهذا الي يميزه عن غيره من الكولاجينات المختلفة..وفوقها منخفض السعرات الحرارية ( يعني ينفع للي مسوية ريجيم)


أرجينين( حمض أميني) :

يحافظ على صحة البشرة ويسرع إلتئام الجروح ويطرد سموم الأمونيا من الجسم ويحفز المناعة و إفراز الهرمونات الهامة بالجسم..


الجلوكوزامين ( سكرات أمينية )

يدخل في تركيب الجلد والأظافر والعيون والأوتار والعظام والأربطة والغضاريف وصمامات القلب وله دور في الإفرازات المخاطية للقنوات الهضمية ووالتنفسية والبولية..


فيتامين C :

أساس تكوين الكولاجين بالجسم

مضاد لأكسدة الخلايا يحمينا من أمراض القلب والسرطانات..

يساعد جهاز المناعة بالجسم ويرمم الكدمات والسحجات والجروح..

يحافظ على صحة اللثة وبالتالي الأسنان ويحميها من التهابات اللثة وتورمها..والأهم إنه يساعد على إمتصاص الجسم للحديد..


وبعد ماقريتو شرح المكونات أكيد تأكدتو إنه أوبرا ما مدحته من عبث..وإن فوايد المنتج والغاية منه :

يصفي ويبيض وينعم البشرة ويقلل ويحمي من التجاعيد والهالات السوداء الي صارت ملازمة لنا ومانفع معاها الكريمات من أغلى وأحسن الماركات..ويقلل ويسد المسامات..

وطبعا مايهون شعرنا الي نحرق من الشسوارات والحرق من الستريترات فاستدخدام الميجي كولاجين راح يقوي من شعرنا ويجدده ..

يقوي الأظافر ويشد البشرة والصدر ونرتاح من أبر الكولاجين والفليرات بالوجه ويدعم أنسجه الشفايف ويوردها..وتصير بشرتنا مرنة أكثر فتقل علامات التمدد والخطوط..والأهم أساس عظامنا وأسنانا الي بيكون صحي ومدعوم..




حبيت افيدكم بالمعلومه وعلى فكره انا ماابيع ولااعرف المصدر وياليت اللي تعرف
تقولنا