حزن ماطال من جرحي سوى دم القصيد وسال
رضى لجلك نزفته لين مامحل شرايني ..
ارق مابلل جفنوك غداله في جفوني جال
شريته لين ظنيته بحر طوفان يرويني ..
عشانك ياغلا( هياء ) ترتكت الحزن بي يغتال
وجه الحب وأحلامه لجل من انداس أيديني ..
عشانك ياغلا( هياء ) تمنيت الفراق وصــال
ولكن..للأسف.. ماكان قربك لي يجديني ..
في بالك وش يكون اللي جبرني فيك لجل اختال
وأنتي من سكب عطري على بابي وتركتيني ..
نعم يا( هياء )أنا راحل أنا ماجيت لك محتال
لجل ماتطعني بصدقي وتذلي الكبرياء فيني ..
أنا أما أجي كلي ,حبيب وأب وعم وخال
وأما جعلها سنينك أبد ماتلتقي سنيني ..
أحبك بس يوم أنك سكنتي البال ضاق البال
دخيلك ليه قولي لي نثرتي الملح في عيني ..
أنا شــاعر من عروقي نبت زهر الغرام ظلال
خطر لو طفت بخدودك خطاء مره تجرحيني ..
أنا شاعر,اطرز لك خيوط الشمس ثوب وشال
تباهي بين وبين ترفات الصبايا وشوفيني ..
أنا شاعر , ولي هامة وصبري مثل صم الجبال
إذا تاهت بك الخطوة تاعلي وسكنيني ..
جهلتيني ,وانا الي لو عرفتيني وتقولي قال
تفز الأرض من حولك زهر نادي ورياحيني ..
ترى ما ألوم بك نفسي إذا حظي غدر بي ومال
وأنا ما ألوم بي نفسك إذا أنتي جهلتيني ..
أنا ماقول غير أن الصبر ربي خلق له رجال
وأنا لو ماصبرت ايش فايده ابكي وتعزيني ..
ترى جرح الكرامه بس لمس دم الخفوق وسال
نزفته حبك بدمي عسى تحمل شراييني ..