ضحـيـت لاجـلــك

كثـرالـغـلا والـشــوق جـايــر وغـــلاب
اسـكـن خفـوقـي يامـنـايـه وروحـــي




طـال انتظـارك وانـت تلعـب بالاعصـاب
وارجـــوك لاتـنــزف بـقـايـا جــروحــي




خــل الـغـلا بـيـتٍ مشـيـد بـالاقـطـاب
وفعـل الوفـاء خلـه يحـقـق طمـوحـي




لجـل شوفـة عيونـك تحملـت الاتعـاب
طـيـفٍ يجيـنـي وذاك طـيـفٍ يـروحـي




ما طاب جفني من هوى عبير ما طاب
حـمـام ورقٍ فــوق غـصـنـه يـنـوحـي




لـو غـاب حبيـبـي الـشـوق مــا غــاب
وبقـربـه بنـيـت مشـيـدات الصـروحـي




ياجامعن وصف الغلا بحسـن الاهـداب
لا تزعـلـك كـلـمـة عـتــاب ومـزوحــي




أغلـيـك واحـبـك يـابـو طـــرف جـــذاب
وعلـى الوفـاء حـبٍ يبـيـن بوضـوحـي




شفني قويت مفـارق النـاس الاقـراب
وبلحضة غيابـك صـار صـدري يفوحـي




يامـالـك اشـواقـي ولا عـنـك مجـنـاب
أُلطـف بحالـي قـبـل ســدي يبـوحـي




ضحـيـت لاجـلــك يامـنـايـه بـالاحـبـاب
واصبحـت مغـرم فـي هـواك بنزوحـي




بسبـاب وصـفٍ صــار مـغـري وخــلاب
مايهمـنـي عــاذل وهـرجـة نصـوحـي




جسمك خلقـه الله علـى زيـن هنـداب
وريحـة عطـورك مـن شذاهـا تفوحـي




مفتون فـي رمشـك وللشـوق طـلاب
ومجنـون حبـك كـان تسـمـع وتـوحـي