نبت ظلي على أرضي بدون يدين
من اللي قص جنحاني وقيّدني ؟؟

تمادت حيرتي , واستفرد التخمين
بتفكيري , ويأسي أطرده .. يدني !

وحيد .. ألا من أيامي .. وحلم سنين
عن الواقع , , إذا ونيّت ... أبعدني

مسافاتي يباس العمر .. قلبي طين
غويت فـــ رحلتي والنجم .. ما أرشدني

تسير أقدامي ومدري تسير لـــ وين !
ولا من وين جيت .. وحزني أفقدني :

شعوري بــ الحياة , وخطوتي سكين
طعنت بها طريقٍ حزنه : أنشدني

تأرجح أغنياتي بين حزن وبين
أماني .. موتها , بالدمع زوّدني

وأنا الماشي بلا قلب .. وبدون يدين
على " قيد الحياة " الموت قيّدني