كلمات عضو
عدد المساهمات : 122 تاريخ التسجيل : 05/06/2010
| موضوع: كَفّ الغِيُوْم الأربعاء يونيو 30, 2010 5:47 am | |
| يُبَه شِفْنِيْ .. عَلَىْ كَفّ الغِيُوْم أَنْقِشْ تَفَاصِيْلِيْ ـــ حِكَايَات الكِبَرْ .. بِيْت العُمُرْ .. مَعْزُوفَة أَحْلامِيْ
أَغَانِيْ شُوْق .. تَنْهِيْدَة شِقَايْ .. وفَلْسَفَةْ لِيْلِيْ ـــ طَرِيْق التِّيْه .. نَبْضَات القِصِيْد .. وُمُعْجَمْ أَوْهَامِيْ
تِسَلَّلْت الأَمَلْ ظَمْيَا .. أَبَرْوِى مِنْ تَعَالِيْلِيْ ـــ وَأَثَارِيْ هـَ الظَمَا أَفْضَلْ .. مِنْ إِنِّيْ أَشْرَبْ أَيَّامِيْ
بَنِيْتْ الحِلْمْ مِنْ تُربَةْ خُفُوْقِيْ .. وَاِنْهَدَمْ حِيْلِيْ ـــ سَرَقْتْ الخُوْف مِنْ مِحْجَرْ عُيُوْنِيْ .. ضَاقْ هِنْدَامِيْ
أَرَتِّبْ مَكْتَبَةْ عمْرِيْ .. وتِنْفِضْهَا مَنَادِيْلِيْ ـــ يِطِيْر غبَار يِخْنِقْنِيْ .. وِيْنْخَرْ [ حِزْنَهْ ] عظَامِيْ
شَحَبْ .. وَجْهْ الصّبحْ وَأَصْبَحْ بِدُوْن ألوَانْ يِشْكِيْلِيْ ـــ بِعَادِيْ .. وَاِنْكِسَارَاتِيْ .. وِبَعْضِيْ صَارْ مِتْرَامِيْ
عَلَىْ أَطْرَافِ الشِّفَاة اليُوم .. غَنَّتْنِيْ .. مَوَاوِيْلِيْ ـــ تَعَبْ .. نَظْرَةْ عَتَبْ .. آهَاتْ .. زَادَتْ مَعْهَا آلامِيْ
وكَفِّيْت البَصَرْ عَنْهُمْ .. سَقَطْ تِمْثَالْ يِحْكِيْ لِيْ ـــ عَنْ أَشْوَاكِ القَهَرْ وشْلُوْنْ تنَامَتْ .. تَحْت أَقْدَامِيْ
تِهِبّ الرِّيْح .. وِيِتْرَامَىْ حَنِيْنْ .. وَاَلْتَحِفْ وِيْلِيْ ـــ وَأَخَبِّيْنِيْ .. وَرَىْ ذَاكْ الجِدَارْ بِسَلَّة .. أَعْوَامِيْ
يُبَهْ قَبْل الشَّهَرْ زِرْتَهْ .. طَرِيْقٍ كَانْ يِضْوِيْ لِيْ ـــ قَهَرْ ذَابَتْ لِيْ شُمُوْعَه .. وَسَاحَتْ ضِيْم قِدَّامِيْ
عَدَدْهَا كَانْ عِشْرِيْنٍ تِهَذْرِيْ مُوْت .. تِبْكِيْ لِيْ ـــ هِنَا طِحْتِيْ .. هِنَا صِحْتِيْ .. هِنَا كَانْ الجُرُحْ دَامِيْ
هِنَا خَانْ الصِّدقْ كِلِّكْ .. هِنَا كِنْتِي تِنَادِيْ لِيْ ـــ هِنَا طَاحْ الوَرَقْ .. " مِحْتَارْ " .. نَادَىْ حِبْر أَقْلامِيْ
حَكَىْ لِيْ كَمْ سَنَة مَرَّتْ .. وَأَنَا أَطْلِقْ بِالدُّجَىْ خِيْلِيْ ـــ أَدَوِّرْ مِنْهُوْ يِسْمَعْنِيْ .. وَأَرِدّ بْسَرْج أَثَامِيْ
بَذَرْتْ الحُبّ بِدْرُوبِيْ .. وِقَفْتْ أَنْطِرْ .. مَحَاصِيْلِيْ ـــ نِبَتْ قَمْحِيْ .. سَنَابِلْ طَعْنْ .. وَأَعْلَنْ حَزَّةْ إِعْدَامِيْ
خَشَعْ .. قَلْبْ الحِزِنْ .. فِيْنِيْ بَعْدْ هَمْسَاتْ تَرْتِيْلِيْ ـــ وِكَثَّفْ آهَتِيْ عَبْرَة .. وِبَلَّلْ شِيْلَة لِثَامِيْ
يُبَهْ .. شُوْفْ الغِيُوْم الّلِيْ عَلَىْ كَفَّهَا .. تَفَاصِيْلِيْ ـــ تلاشت .. بَعْدِمَا سِمْعِتْ .. خَبَايَا مُوْجَزْ أَحْلامِيْ
|
|
زمن الصمت عضو متميز
عدد المساهمات : 524 تاريخ التسجيل : 05/06/2010
| موضوع: رد: كَفّ الغِيُوْم الأربعاء يونيو 30, 2010 9:03 am | |
| مشكور علي الموضوع وبارك الله فيك لا تنسي ذكر الله تعالي |
|
القبطان عضو متميز
عدد المساهمات : 462 تاريخ التسجيل : 05/06/2010
| موضوع: رد: كَفّ الغِيُوْم الخميس يوليو 01, 2010 2:21 am | |
| جزاك الله خيرا علي الموضوع القيم |
|
الزعيــــم عضو متميز
عدد المساهمات : 506 تاريخ التسجيل : 05/06/2010
| موضوع: رد: كَفّ الغِيُوْم الأحد يوليو 04, 2010 3:43 am | |
| بارك الله فيك علي الموضوع ولا تحرمنا من جديدك ان شاء الله
الزعيــــم |
|
الأسير عضو متميز
عدد المساهمات : 620 تاريخ التسجيل : 05/06/2010
| موضوع: رد: كَفّ الغِيُوْم الأحد يوليو 04, 2010 7:24 pm | |
| الف شكر علي التوبيك جزاك الله كل خير |
|
سارونه عضو متميز
عدد المساهمات : 523 تاريخ التسجيل : 05/06/2010
| موضوع: رد: كَفّ الغِيُوْم الإثنين يوليو 05, 2010 8:08 pm | |
| جزاك الله خيرا علي الموضوع القيم |
|
العتيبي عضو متميز
عدد المساهمات : 770 تاريخ التسجيل : 06/07/2010
| موضوع: رد: كَفّ الغِيُوْم الخميس يوليو 08, 2010 3:02 am | |
| جزاك الله خيرا وبارك لك في عمرك |
|