هـي غلطتي والا الزمــن دوم غلطـــان ..
.. منك العتب ؟ والا العتب من زمانـي
أحيان أحس الحــزن .. لـ أجلي وأحيان ..
.. أقــول هـذا الحــزن ماهـو عشانـي
يــالـيـتـهــا غــربـه وادوّر لــي أوطـــان ..
.. ياليتهــا دمعـــه وتنـسـى زمـانـي
يــالــيـتـهـا كـلمـه وادوّر لـي إنسان ..
.. يـاليتهـا سـاعـــه واعــدّ الثــوانــي
كل الـعمـر وأنـا مـع الــهــم اخوان..
.. لاضاق صدره زارنـي وابتلانــي
أكذب عليك إن قلت عايش وفرحان ..
.. واكذب عليك ان قلت موتي كفانــي
من ياخـذ همومي ويعطيني إنسـان ..
.. ماجــاه مثل اللي من الحزن جاانـي
الــمشكلـه مـاهــي بـغـلـطــه وندمــان ..
.. الــمشكلـــه ليه الوفــاء دوم فـانــي
صوره وملّــتهـــا مــن الـشيل جـــــدران ..
.. ورده وذبلت ومــن قطفنــي رمانــي
كــل آدمــــي يفرح وتنســــاه الأحـــزان ..
.. الا .. انـــا .. عمــر الحزن مانسانــي
مــاعــاد بــاقــي بـالعمـر كـثـر ماكــــان ..
.. والـصمـــت يـــقــتل فــرحتـي والأمانــي
هات الحـزن مادامها احـــزان بـ أحـــزان ..
.. هــات الحــزن دام الــفـرح مـــــالقانــي
يـاليــل وين الصـبـح كـل يـوم سهـــران ..
.. أسـهــر وحزنـي يحتوي كـل مكانــي
يـابــلاد عمري مـابقــا فـيــك سكــــان ..
.. ويــادمــع عيني مــن بقــا مابـكانــي
وياقســوة الأيـــام حنّي بـ (انســـان ) ..
.. لـو راح مــاتلـقيــن ( انســـان) ثانــي