الغيبه اللي مايجي يهـا عـن الوصـل احتمـال
عقب الوصال العذب رحت ابحث عن اشراقة امـل

ياشينهـا الايـام لاطـالـت وياقـسـو اللـيـال
اللي تفرق شمـل متجمـع وتجمـع لـك شمـل

والبارحه بين المشاعـر والعقـل طـال الجـدال
وحلفـت باللـي منزلـن طـه وعـم والنـمـل

اللي خلقني مـن تـراب وعزنـي بيـن الرجـال
اللي يحاسبني وانا المذنب علـى جنـس العمـل

اني لها لو تاصـل الدعـوى الـي حـد القتـال
واليا انشدوني ليـه تقتـل قلـت يـااوادم ثمـل

ثمل ثلاث سنيـن وانـا اخفـي سلـوك الانفعـال
الناس تركـض للفـرح وانـا وراه ارمـل رمـل

اكبر طموحاتي وصل مير الوصل صعـب المنـال
مع اني الشخص الذي لاقـال لـه حاجـه صمـل

واصغر طموحاتي ليامن ضقـت حصلـت اتصـال
(شف كيف عقب الوصل صار الصوت حلم ولاكمل)