أنا ايه أتغير فيه..
نفس الحب..ونفس مشاعرى والحنيه..
كل حياتى زى ماهيه..
طيبه القلب..والأخلاص مع حسن النيه..
شايف ايه بتقول ده جديد..
ولا أتغير وأنت بعيد..
شايف ايه متغير فيه..
الا الفرحه جوه عينيه..
لرجوعك ياحبيبى تعيد
كل ماكان ف حياتنا سعيد..
ونعيش زى ليالى العيد..

ياما ليالى فى بعدك راحت..
محسوبه م العمر وضاعت..
ماسألتكش أحاسب مين..
ولا لومتكش ياضى العين..
أستنيتك ليله بليله..
والليله الواحده طويله..
سبت حاجاتك زى ماهيه..
وشلت حياتك جوه عينيه..
وقلت اكيد بيفكر فيه..
مايتحملش غيابه عليه..
عشت استنى وأنت بعيد..
واتمنى ياحبيبى تعيد..
كل ماكان فى حياتنا سعيد..
ونعيش زى ليالى العيد..

ايه اتغير الا لأحسن..
واللى مابينا بقى شىء اجمل..
وبقيت تعرف تقرا وتفهم..
احساسى من غيرمااتكلم..

وان كان فى حبة تغيير..
يبقى عشان بطلت اغيير..
ياللا نعيش الباقى سعاده..
مش احلام نلاقيها بعيده..
ولا حد يبات ليله وحيد..
ونعيش زى ليالى العيد