هذي مشاعر على الاوراق مكتوبه
لاضاق صدرك تالي الليل اقريها

لاغاب صوتي وطيفي تاه بدروبه
تأمل الحرف والضيقات يشفيها

يسعد خفوقك شعور الصدق بسلوبه
ذكرى الليال الجميله فيه تلقيها

شط البحر والنخيل ولحظة اغروبه
وليل قمره انتي وعشاق مشوا فيها

لاهبت النسمه جديلك بان عذروبه
شلال شعرك يدينك دوم مشقيها

يالله دخيلك خفوقي راح قفوبه
عينك وخدك وضحكاتك لمغليها

لجلك كتبت الشعر والسمار غنوبه
شالوا على الطار واحيوبه لياليها

احساس شاعر يوصف زين محبوبه
دانه وعيني محاره ساكنه فيها