بعض الطرق للتفريز

الكفتة

احضري اللحمة المفرومة و تبليها و تجهزيها و تعملى جزء منها كور لعمل داوود باشا و ترصيها جنب بعض فى الطبق الفيبر و تضعي الطبق فى كيس نايلون وتدخل الفريزر

.....و نحضر جزء منها اصابع و و نعمل بها تجويف بأيد المعلقة الخشب و ترصيها جنب بعض فى الطبق وتحطى الطبق فى كيس نايلون و هكذا نحصل علي كفتة للشوى

.....و نحضر جزء منها من غير ما نعمل بها تجويف في المنتصف و هكذا نحصل علي كفتة للصينية>>

فراخ مشوية او صينية

نغسل الفرخة و ننظفها و نفتحيها من عند الظهر بالطول بالسكينة و تتبليها تمام و تضعيها بنفس الطريقة

فراخ بانية : بفتيك بانية

نحضر شرائح الصدور البانية او البفتيك و نجهزها بالبيض والبقسماط وترصيها فى الطبق لكن نضع كيس نايلون بين صفوف الفراخ او البفتيك حتي لا تلتصق ببعض

صينية المكرونة بالبشاميل

تجهزيها تمام ثم ترص في صينية فويل وتدخليها الفريزر الاول من غير ما تغطيها حتي يستماسك البشاميل اللى على وشها بعد ما يجمد تغطيها بورقة فويل ( لان البشاميل وهو طرى سيلتصق فى الغطاء ) و عند استعمالها قبل ما تدخليها فى الفرن اخفقي البيضة بالشوكة و نضعها على الوجه

صينية المسقعة

بنفس طريقة المكرونة بالبشاميل

اللحمة المفرومة

نجهز العصاج عادى بدون الصلصة وبعد ما يبرد نحطة فى اكياس نايلون بس بكميات مش كبيرة يعنى على حجم صينية واحدة بس (سواء رقاق .سواء بطاطس بيورية ...الخ

عصاج عادى بالصلصة

وبعد ما يبرد يتحط فى علب بلاستيك

صينية اللازانيا

نفس طريقة المكرونة بالبشاميل

صينية المكرونة بالجبنة

بنفس طريقة المكرونة اللى بالبشاميل

الكوسة بالزبادى

تجهز الكوسة ونحشيها باللحم المعصج ونشوحها ونتركها تبرد ونضعها فى اطباق فويل
وكيس نايلون ثم نضعها فى الفريزر

وعند التقديم نطلعها من الفريزر ونعملها الزبادى بتاعها ونكملها عادى

كفتة الفراخ

تتعمل عادى و و نعملها اصابع و توضع فى البيض و البقسماط وترص فى الاطباق الفل بجانب بعض

الطماطم

اما تغسليها و تقطعيها و تضربيها فى الخلاط وتصفيها من القشر و تضعيها فى برطمانات او اكياس نايلون
او تضعيها على النار تتشوح وعلشان تعرفى انها استوت وبقيت جاهزة سوف تجديها غلط قوامها و كميتها قلت النص

السمبوسك والسبرينج رول

بعد ما تحشيهم ترصيهم فى الطبق الفيبر و تطلعيهم على الت****

الكبيبة الشامى

بعد ما تشكليها ترصيهم فى الطبق جنب بعض و نضعهم الاول حتي يجمدوا فى الفريزر ثم نضعهم في الطبق فى كيس نايلون

الكبيبة الصينية

تعمليها فى صوانى المونيوم وتحطيها فى كيس وعلى الفريزر

الخرشوف

بعد ما تحشية اما تحطية فى صينية فويل بجانب بعض ولما تيجى تستخدمية تحطى على وش كل واحدة ملعقة بشاميل

او تخلصيها للاخر وتحطيها الاول فى الفريزر لحد البشاميل ما يجمد وبعدين نغطيها بالفويل وندخلها الفريزر

البشاميل

اعملى البشاميل ولما يبرد تضعيه فى علب بلاستيك و نضعه فى الفريزر

فراخ مسلوقة.

اسلقى فرخة عادى ولما تبرد لفيها فى ورقة فويل وتطلعيها عالاستخدام على طول و تكونى مخزنة شوربتها فى برطمان معاها

الحواوشى

نتبل اللحمة عادى ونحشى العيش ونلفه فى ورق فويل وندخله الفريز

البصل

يقشر و يخرط او يفرم صغير ونضعة فى طبق فيبر ويجمد و عند الحاجة تستخدمية .تخدى بالسكينة حسب حاجتك و تتركي الباقي مجمد

الثوم

تقشرية ولسهوله التقشير تضعيه فى طبق به ماء ستخدي القشرة طلعت بسهولة

تم تفرميه في الكبة و تضعيه فى ورق فويل على هيئة رولات

الكرنب

يسلق ورق الكرنب عادى فى ماء وملح وكمون و يقطع مربعات جاهزة للحشو و ترصيهم فوق بعض فى كيس نايلون او طبق فيبر

الورق العنب

تشترية و تحفظيه زى ما هو فى اكياس نايلون ولما تيجى تستخدمية تضعية فى الماء المغلى على طول.

شوربة العدس

تسلقى العدس وتصفية بالمصفاة ولما يبرد تضعيه فى اكياس نايلون و عند الحاجة تضعي الكيس فى قدر و تزدي ماء مغلى و تتبلية و تجهزي التقلية

الكوردن بلو

بعد ما تحشية و تجهزيه بالبيض و البقسماط وترصيهم فى طبق فايبر بجانب بعض

الشبت والبقدونس والكسبرة الخضراء

تخرطيهم بالسكينة زى ما هما و من غير غسيل و تضعي كل نوع فى كيس لوحده و يغلق و تضعيه تحت فى الثلاجة عادى

او فى الفريزر لو لمدة طويلة

خلطة المحشى

لم نتعود ان نضع المحشى جاهز فى الفريزر لان الارز بيبوش و المحشى وهو طازة بيكون احلى
و لهذا بنجهز الخلطة كلها ماعادا الارز ( شبت و بقدونس و بصل و سمنة و زيت وا لصلصة )ونضعها فى كيس نايلون لحد و عند الرغبة في عمل المحشى بنضع عليها الارز ونحشى المحشى ونسوية..

البيتسا

نضع العجينة عادى فى صينية وعليها الصلصة والحشوة المفضلة بدون مانضع الطبقة الاخيرة وهى الجبنة وبعدين تدخليها الفرن لحد ماتستوى وتطلعيها ولماتبرد تضعيها فى كيس نايلون وعلى الفريزر ولما تيجى تستخدميها تضعى الجبنة على الوش ونقطتين زيت وتدخليها الفرن لحد ما الجبنة تسيح

القلقاس

بنفس طريقة الخضار السابقة وتجهزى معاه السلق فى كيس نايلون صغير

ربى يعطيك العافية

يسلموووووووووووو علي الموضوع

يسلموووووووووووو علي الموضوع

جزاك الله خيرا ,,, موضوع جديد =مشاركات وتواجد جديد
فلا تحرمنا من مواضيعك وتواجدك

يسلموووووووووووو علي الموضوع

جزاك الله خيرا وبارك لك في عمرك