قصيده أعجبتني للشاعر أبن فطيس حبيت انقلها لكم
ياشين طبع فيك .. ويازين الأطباع
لولا الرجاء ماكان خليته ...يفوت
سنع يشوه .. لاتذكرته.. أسناع
مثل الحصاة اللي وسط عقد ياقوت
تخفي هيامك وإنت ميت.. وملتاع
ماتدري إنه في ملامحك ..منحوت
ويبخل لسانك وإنت للسمع /طماع
والبخل في سلم المحبين.. ممقوت
الحكي قوت السمع/ وأسامعي جياع
ومسامعي .ماتت من الجوع.. للقوت
وحكي في صدرك أشكال ..وأنواع
لكن صمتك ..حول الصدر تابوت
إلا طلبتك وصل صعبت.. الأوضاع
مدري من درسك جعله ...يموت
تصد .. ماكنك من الصد .. مرتاع
وإن قلت يالقاطع تلفت.... مبهوت
أقطع بدرب مواصلك في الشهر ..باع
وإلا إنت تقطع للوصل فاسنة فوت
طعني.. وطاوع واحد فيك.. ماطاع
ناس ضعاف عقول /وأشوار /وبخوت
وإلطف بحال اللي نحل ..وراع
قلب جروحه تنزف.. أفكار.. وبيوت
قلبي .. إلا منه شرى قلب .. ماباع
وإنت هالله هالله فيه .. والعمر موقوت
أسمع أشعاري في الهوى وأرخ الأسماع
ياللي غلاك بتربة القلب .. مكتوب
لا ..للفراق.. ولا ..لتجديد الاوجاع
ونعم .. نعم للوصل .. لو كان .. بالصوت